Tidal·Monet's Garden (Chaozhou Ancient City Pedestrian Street Store)

Excellent hotel staff service.

周年紀念去個小旅行，第一次到潮州，網上見到裝修好有貴格及外國風情，所以揀呢間，無諗到酒店為我升級房間，同埋有特別佈置，令人驚喜。 酒店位於大廈最高兩層，房內窗是落地大玻璃，所以一望無際，仲可以望到遠遠的廣濟橋的城樓，環境舒適。 房間尚算隔音。 係有啲小問題，有啲破捐無修補，浴室花灑頭無咗個頂蓋。 酒店有提供番梘但係冇番梘盤，拆咗嚟用先留意到唔知放邊😅 廁所燈光不足。 其他都好好，最鍾意有大張皮梳化，好舒服。 酒店地點便利，隔離街就已經係食街，超方便。 夜晚搵糖水都唔難。 馬路對面又有幾間起市。 酒店仲送兩張早餐卷俾我地。 我地早到咗個幾鐘，諗住寄存行李先，酒店主動免費俾我地提早入住❤️ 俾我有足夠時間安頓整理後出發去玩。 房間有音響，播嘅都係交響樂特別有情調 好配合呢間酒店嘅主題，加上裝修真係好似置身外國咁😆 房間提供智能家居設施，幾好玩。 不停叫小度播歌😂 地方乾淨，酒店有洗衣機及乾衣機提供使用。 整體住宿感覺很滿意，好開心。